موضوع ان البريكر ينضرب فى 1.25 ولا ما ينضربش حسب ال NEC او حسب ال IEC .. الموضوع ده مش بيحكمه الكود اللى انت مستخدمه … قد ما بيحكمه نوع البريكر اللى انت مستخدمه .. ازاى؟ … و الموضوع ده بيتلخبط فيه كتير من الناس وشرحه كالتالى:
اولا: لازم نعرف ان كود ال NEC هو كود متوافق مع المعايير Standards التى تصدرها ال IEC (International Electrotechnical Commission) وخصوصا مع المواصفة
IEC 60364-1 ,Electrical Installations of Buildings, Section 131
ثانيا: لازم نعرف ان كل مصنعى البريكرات فى العالم بيصنعوا نوعين من البريكرات وهم :
1- نوع 80% Rated: يعنى بيشتغل لحد 80% بس من ال Rating بتاعه و كود ال NEC قال مع النوع ده لازم اضرب التيار فى 1.25 عشان اقدر اعمل sizing كويس للبريكر
2- نوع 100% Rated: يعنى بيشتغل لحد 100% من ال Rating بتاعه و كود ال NEC قال مع النوع ده انك مش محتاج تضرب التيار فى اى حاجة
فالموضوع مالوش دعوة انت مستخدم اى كود فيهم يعنى لو استخدمت البريكر ال 80% Rated فى مشروع بيطبق ال IEC لازم تضرب فى 1.25 اما لو استخدمت النوع التانى 100% Rated فمش هتضرب فى حاجة
هى بس الفكرة ان كود ال NEC شرح الجزئية دى و كود ال IEC لم يشرحها وبكده بيكون كود ال NEC متوافق تماما مع كود ال IEC ومش مختلف معاه .
طيب ليه المصنعين بيقسموا البريكرات للنوعين دول .. ده بيرجع لاعتبارات اقتصادية فاحيانا بيكون استخدام احد الانواع اكثر اقتصادية من النوع الآخر.
وانه جرى العرف فى الدول إللى بتطبق كود ال IEC انها تشتغل بال 100% Rated CB و كذلك فى الدول إللى بتطبق ال NEC بيشتغلوا أولا بال 80% Rated
والبريكرات ال 80% Rated او ال 100% Rated فكرتها نفس الفكرة انك تجيب بريكر ال Frame Rating/size بتاعه 1000 امبير لكن انت هتشغله عند Amper Rating/size بتاعه 800 امبير …
لكن الفكرة مش بس كده الفكرة فى انه بيجيب بريكر من family معينة و يستخدمه عند ال 80% طبقا لتعليمات ال UL standard عشان يوفر فى مجموعة حاجات لازم يعملها اذا استخدم البريكر عند 100% طبقا لل UL standard زى انه لازم ال enclosure يكون فيه تبريد ب flow rate معين و مجموعة أخرى من المتطلبات لا مجال لذكرها …
وزى ما قلنا احيانا بعد دراسة الجدوى بيكون استخدام ال 80% Rated اقتصادى عن ال 100% Rated واحيانا لأ … والمصمم الشاطر هو إللى ياخد باله عند التصميم و توصيف البريكرات بأنه يشوف الأفضلية الاقتصادية بينهم .. حتى فى ال IEC لازم المصمم يشوف هل هيستخدم بريكرات AT/FT ليها بنسبة 100% ولا بنسبة 80% وايهم اوفر ليه فى التكلفة
—————–
كود ال NEC شرح جزئية وجود بريكرات 100% Rated و بريكرات 80% Rated لكن كود ال IEC لم يشرحها على اعتبار ان كل البريكرات المصنعة طبقا لل IEC بتكون 100% Rated .
وتم شرح تلك القاعدة فى كود ال NEC فى 5 اماكن مختلفة:
210.19.1
210.20.A
215.2.A.1 exception no. (1)
230.42.A exception no. (2)
Informative Annex D ● Example D3 Store Building
وتم شرح تلك القاعدة من الكثير من شركات ال panel builder مثل ABB
شركة شنايدر:
———————
اعرف منين فعليا أن البريكر دا هيكون شغال عند ٨٠٪ أو ١٠٠٪؟
بالنسبة للكود الأمريكى البريكر المخصص للاستخدام 100% بيكون مكتوب عليه أنه 100% Rated واللى مش مكتوب عليه كده بيكون 80% Rated
أما بالنسبة لل IEC فكل القواطع بتكون من النوع ال 100% Rated مع الأخذ فى الاعتبار قيم ال Trip settings للقواطع ال adjustable
تم اضافة مثال محلول يبين الفرق فى الحسابات بين ال standard 80% rated design وال 100% rated design